28 iyu 17:08
Yangiliklar

Futbol

Eron klubi "Nasaf" himoyachisiga qiziqish bildirmoqda

Eronning "Traktorsozi" klubi yangi mavsum oldidan o'z tarkibini jiddiy ravishda kuchaytirmoqchi.

Yaqindagina Eron terma jamoasi asosiy darvozaboni Alirizo Beyranvand "Traktorsozi"ga o'tishi haqida xabarlar chiqqandi.

Championat.asia sayti malumotiga ko'ra, Tabriz klubi O'zbekiston milliy terma jamoasi va Qarshining "Nasaf" klubi himoyachisi SHerzod Nasrullaevga qiziqish bildirmoqda.

Malumot uchun, Nasrullaev bu mavsum "Nasaf" tarkibida barcha musobaqalarda 14 ta o'yinda maydonga tushdi va 3 ta golli pas berdi. O'zbekiston terma jamoasida bugunga qadar 20 ta o'yinda maydonga tushdi va 2 ta gol urdi.

"Traktorsozi"ga tez orada Zinedin Zidanning "Real Madrid"dagi yordamchisi David Bettoni bosh murabbiy bo'lishi kutilmoqda.