Eronlik muxlisalarning fikricha, ularni Qatarda maxsus xizmatlar kuzatishmoqda

Xavfsizlik nuqtai nazaridan ismi oshkor qilinmagan va Erondan ko'chib ketgan muxlisaning so'zlariga ko'ra, Angliyaga qarshi bahsda (6:2) uni va yonidagi boshqa ayollarni suratga olib yurgan erkakni payqab qolgan. Boshqa ayolning aytishicha, aynan o'sha o'yinda bir erkak futbol ko'rish o'rniga faqat eronlik ayollarni durbin orqali kuzatgan. Qizlarning fikricha, bu Eron maxsus xizmati xodimlari.

Eronda ayollarning futbol o'yiniga kirishi taqiqlangan. Qatarda bunday emas, biroq ko'plar eronlik ayollar ularni kuzatishayotganidan va buning oqibatlaridan qo'rqishayotgani haqida malum qilishgan.