Ertaga Samarqand va Namanganda Mudofaa vaziri kubogi start oladi

Ertaga yana ikki mintaqa uchun musobaqaning saralash bellashuvlari boshlanadi. Aniqrog'i, Samarqand hamda Namangan shaharlarida ikki kun davomida o'smirlar va qizlar o'rtasida 7 tadan vazn toifasida bahslar tashkil etiladi. G'oliblar 8-11 iyul kunlari Toshkent shahrida o'tkaziladigan musobaqaning final bosqichida qatnashish huquqini qo'lga kiritadilar.  

Samarqand viloyati Yakkakurash sport turlariga ixtisoslashtirilgan Bolalar-o'smirlar sport maktabi zalida o'tkaziluvchi uchinchi mintaqa saralash bahslarida mezbonlardan tashqari Navoiy va Jizzax viloyati dzyudochilari tatamiga chiqadi.     

Namangan olimpiya zaxiralari kolleji mezbonlik qiluvchi to'rtinchi mintaqa turnirida vodiy jamoalari (Namangan, Farg'ona, Andijon) ishtirok etadi. G'oliblar 24 iyun kuni malum bo'ladi.