Evropa o'yinlarida o'zbek milliy kurashining taqdimoti o'tkazildi + FOTO

Mazkur tadbirga ko'hna qitaning 50 ga yaqin davlatidan sportchilar tashrif buyurdi. Taqdimot shaklidagi musobaqa Evropa ochiq chempionati maqomida tashkil etildi.

Xalqaro kurash associaciyasi, Evropa kurash konfederaciyasi hamda O'zbekiston kurash federaciyasi, shuningdek, yurtimizning Polshadagi elchixonasi hamkorligida o'tkazilgan ochiq chempionatda evropalik nomdor polvonlar ishtirok etdi. 

Tadbir avvalida kurash bo'yicha o'quv-seminar mashg'ulotlari uyushtirildi. Unda polvonlar va ularning murabbiylariga kurash qoidalari, bellashuvlarni baholash tartibi tushuntirildi.

Bundan tashqari, tadbir davomida matbuot anjumani tashkil etilib, ommaviy axborot vositalariga kurashning dunyodagi rivoji, Olimpiya o'yinlari dasturidan o'rin olishi yo'lida amalga oshirilayotgan ishlar xususida malumot berildi. Mukofot jamg'armasi 7000 evrodan iborat musobaqa erkak va ayollar o'rtasida mutlaq vazn toifasida bo'lib o'tdi. 

G'olib va sovrindorlar:

Erkaklar:
1. Viktors Resko (Latviya)
2. Aleksandr Kalabis (Serbiya)
3. Boban Danov (SHimoliq Makedoniya)
3. Vojcechkazimierz Kordya (Polsha)

Ayollar:
1. Sandra Liskum (Polsha)
2. Ranalda Zubaviseni (Litva)
3. Viktoria Boloxan (Belgiya)
3. Aleksandra Lorena (Ruminiya)