14 sen 10:40
Yangiliklar
Boks/MMA
Fanat Qahramonov: Oldimga yuqori maqsadlarni qo'yganman
Ekaterinburg shahrida boks bo'yicha jahon chempionati davom etmoqda.
Bugun musobaqa doirasida 1/16 final janglari tashkil etiladi. Biz mazkur bahslar oldidan terma jamoamiz azosi Fanat Qahramonovning fikrlari bilan qiziqdik.
"Bugun ikkinchi jangimda ringga ko'tarilaman. Raqibim avstraliyalik kuchli bokschi hisoblanadi.
Jahon chempionatida ilk marotaba ishtirok etayapman. Lekin, shunga qaramay oldimga yuqori maqsadlarni qo'yganman. Nasib qilsa, bayrog'imizni ko'klarga ko'tarib, O'zbekistonga oltin medal bilan qaytish niyatim bor. Qo'llab-quvvatlab turinglar, duolaringiz orqali biz chempion bo'lamiz", - dedi Fanat Qahramonov.
Eslatib o'tamiz, Fanat Qahramonov 1/16 final doirasida avstraliyalik Adrian Kammaranoga qarshi jang qiladi. Ushbu jang bugun Toshkent vaqti bilan taxminan 17:00dan so'ng boshlanadi.
Havola :
Manba : olamsport.com
Fikrlar