Farg'onada ITF World Tennis Tour Juniors J100 xalqaro turniri yakunlandi

Unda O'zbekiston, Qozog'iston, Tojikiston, Xitoy, Hindiston, Polsha, Rossiya, Belarus va Janubiy Koreyadan kelgan eng kuchli yosh tennischilar ishtirok etdi. Turnir O'zbekiston tennis federaciyasi tomonidan Xalqaro tennis federaciyasi (ITF) homiyligida tashkil etildi.

Yakkalik bahslari finali

O'g'il bolalar o'rtasida rossiyalik Fyodor Altuxov belaruslik Milan Taupenetsni 7-5, 4-6, 7-6(5) hisobida mag'lub etdi. Qizlar o'rtasida esa rossiyalik Aleksandra Malova vatandoshi Aleksandra CHeyshvilini 6–3, 6–1 hisobida engdi.

Juftliklar finali

Juftliklar bahsida o'zbekistonlik Akmal Abdullaev va Danila Kvasov Polshadan Viktor Ez va Xitoydan Kaigaoge Kan bilan bo'lgan qizg'in bahsda 6–0, 7–6(5) hisobida mag'lub bo'lishdi. Qizlar o'rtasida rossiyalik Kseniya Axrameeva va Alyona Xarchenkodan iborat juftlik Qozog'istonlik Albina Kakenova va Satima Toregenni 1–6, 6–4, [10–7] hisobida engdi.

Turnir ahamiyati

J100 toifasidagi musobaqalar yosh tennischilar uchun muhim bosqich bo'lib, ITF Juniors reyting ochkolarini to'plash va xalqaro faoliyatda yangi bosqichga chiqish imkonini beradi. O'zbekistonlik tennischilarning juftliklar finalida ishtirok etishi milliy tennis darajasi o'sib borayotganini yana bir bor tasdiqladi va yoshlar sportini rivojlantirish yo'lida muhim yutuq bo'ldi.