16 jan 16:09
Yangiliklar
Boks/MMA
Fazliddin G'oibnazarov navbatdagi jang oldidan fikrlarini bildirdi
Rio Olimpidasi chempioni, jahon chempionati kumush medali sohibi, bugungi kunda professional boksda faoliyat olib borayotgan Fazliddin G'oibnazarov 18 yanvar kuni (Toshkentda 19 yanvar ertalab) dominikanlik bokschi Rikardo Garsiyaga qarshi ringga ko'tariladi.
Bokschimiz mazkur jang oldidan o'z fikrlarini bildirib o'tdi.
"Jangga tayyorgarlik yakunlandi. Mashg'ulotlar yuqori saviyada tashkil etildi. Raqibim kutilmagan vaziyatlarni taqdim etadi deb o'ylamayman. O'zimni juda yaxshi his qilyapman, jarohatim yo'q. Ertaga vazn o'lchash marosimi, bir kun o'tib esa jang. O'z g'alabam bilan muxlislarni xursand qilmoqchiman", - dedi Fazliddin.
Malumot uchun, Fazliddin professional ringda 6 marotaba jang qilgan va ularning barchasini o'z foydasiga hal qilgan (3 ta nokaut). Rikardo Garsiya esa 19 marotaba jang qilib, 14 marotaba g'alaba qozongan (9 ta nokaut). 4 ta jangda mag'lub bo'lgan. Bitta bahsda esa durang qayd etgan.
Havola :
Manba : olympic.uz
Fikrlar
Saytimiz 24 soat davomida klubning turli xil yangiliklari, qiziqarli faktlar, malumotlar, statistika va videolavhalarni etiboringizga birinchilardan bo'lib yetkazib boradi. Marhamat, fan klubimizga tashrif buyuring http://liverpul.net