Fazliddin G'oibnazarov: “O'ylaymanki, hammasi yaxshi bo'ladi”

Jumladan, -64 kg vazn toifasidagi hamyurtimiz Fazliddin G'oibnazarov Rio Olimpiadasi oltin medali uchun kechadigan jangda asli kubalik, lekin Ozarbayjon sharafini himoya qilayotgan Lorenso Sotomayor bilan to'qnash keladi. Biz bir necha soatdan so'ng o'tkaziladigan ushbu jang oldidan Fazliddindan intervyu oldik.

- Fazliddin, avvalo rossiyalik raqibingizga qarshi kechgan jang haqidagi fikringiz bilan o'rtoqlashsangiz...

- Jang kutilganidek og'ir kechdi. Boshqacha bo'lishi ham mumkin emasdi. O'rtaga final chiptasi qo'yilgandi. Qolaversa, Vitaliy Dunaycev bilan alohida xisob-kitobim bor edi. Qatardagi jahon chempionatida imkoniyatni boy bergandim. SHu bois, ikki xissa ishtiyoq bilan ringga ko'tarildim va raqibimni mag'lubiyatga uchratdim. Fikrimcha, birinchi raund ham mening foydamga hal bo'lgandi.

- Finalda sizni jiddiy raqib kutib turibdi. Asli kubalik bo'lgan Sotomayor finalgacha deyarli qarshilikka duch kelmadi. Bu bokschi bilan avval ham uchrashganmisiz?

- Ha, bir marta to'qnash kelganmiz. Bolgariyadagi musobaqada raqibimning qo'li baland kelgandi. Ammo, o'shanda hakamlar raqibimga yon bosishgandi. Bu safar hammasi boshqacha bo'lishi kerak. O'ylaymanki, o'z g'alabam bilan terma jamoamizga navbatdagi medalni taqdim etaman. Bir necha ming kilometr uzoqda bo'lsamda, hamyurtlarimizning g'oyibona qo'llab-quvvatlab turishlarini xis qilyapman.

Eslatib o'tamiz, Fazliddin yarim final bahsida rossiyalik bokschi, amaldagi jahon chempioni Vitaliy Dunaycevni 2:1 hisobida mag'lubiyatga uchratgan edi. G'oibnazarov – Sotomayor jangi Toshkent vaqti bilan soat 23:00da boshlanishi belgilab qo'yilgan.