Fazliddin G'oibnazarov: "Yarim finalda rossiyalik raqibimdan revansh olmoqchiman"

Biz jangdan so'ng hamyurtimiz bilan bog'lanib, uning fikrlari bilan qiziqdik.

"Avvalambor etibor uchun katta rahmat. Jang haqida fikr bildiradigan bo'lsam, to'g'risi, qiyin bahs bo'ldi. Ayniqsa, uchinchi raundda. Raqibning ojiz nuqtasini topishni iloji bo'lmadi. Boshini egib olgan bokschiga qarshi jang qilish oson emas. SHu sababli ham, bu narsa menga noqulaylik tug'dirdi. Amerikaliklar asosan professional boksda ishlashadi.

Endi yarim finalda rossiyalik Vitaliy Dunaycevga qarshi jang qilaman. U bilan 2015 yili Qatarda bo'lib o'tgan jahon chempionati finalida uchrashgandim. Afsuski, o'sha jangda unga imkoniyatni boy berib qo'ygandim. Ana endi, nasib qilsa revansh jangida g'alaba qozonmoqchiman. Yana ikki qadam qoldi", - deydi Fazliddin G'oibnazarov.

Biz ham fursatdan foydalanib, Fazliddinga navbatdagi janglarda raqibini mag'lubiyatga uchratib, yurtimizga oltin medal bilan qaytishini tilab qolamiz. Olg'a, Fazliddin! Olg'a, O'zbekiston! Sportchilarimizni qo'llab quvvatlang!

Aziz To'xtamurodov