FIFA federaciyalar shikoyatidan so'ng JCH-2026 mukofot jamg'armasini oshiradigan bo'ldi

O'tgan yilning dekabr oyida FIFA turnir uchun rekord darajadagi 727 million dollarlik mukofot jamg'armasini elon qildi, unda ishtirok etuvchi 48 ta jamoaning har biri kamida 10,5 million dollar, g'olib esa 50 million dollar oladi. Evropaning bir nechta federaciyalari agar jamoalari yarim finalga chiqa olmasa, zarar ko'rishlarini aytishdi va Evropa futbol associaciyalari ittifoqi (UEFA)dan jarayonga aralashishni so'rashdi. FIFA ularning xavotiriga etibor qaratdi va umumiy mukofot jamg'armasini oshirdi.

"28 aprel kuni Vankuverda bo'lib o'tadigan FIFA Kengashi yig'ilishidan oldin FIFA butun dunyo bo'ylab milliy associaciyalar bilan to'lovlarni ko'paytirish bo'yicha muzokaralar olib borayotganini tasdiqlaydi. Bunga Jahon chempionatiga yo'llanma olgan barcha jamoalar uchun kompensaciya miqdorini oshirish taklifi, shuningdek, barcha 211 azo associaciyalar uchun moliyalashtirish kiradi.

Jahon chempionati futbol hamjamiyatiga moliyaviy hissasi jihatidan yutuqli voqea bo'ladi va FIFA o'z tarixidagi eng baquvvat moliyaviy ahvolda ekanidan faxrlanadi. Ushbu muhokamalardan so'ng qo'shimcha malumotlar taqdim etiladi", – dedi FIFA vakili.