Fomin Manama "CHellenjer" turnirida muvaffaqiyatli start oldi

Mukofot jamg'armasi 60 ming dollarni tashkil qiluvchi musobaqada hamyurtimiz Sergey Fomin ham o'z omadini sinab ko'ryapti. Mamlakatimizning birinchi raqamli tennischiga aylanib olgan Fomin 1/16 final bosqichida amerikalik Dali Blanchni uch set natijasiga ko'ra qiyinchilik bilan mag'lubiyatga uchratdi - 6/7(2), 7/6(1), 6/3. 

Taqqoslash uchun, Sergey Fomin yangilangan reytingda 358, Blanch esa 451-o'rinni egallab turibdi. Ikki soatu 26 daqiqa davom etgan bahsda Dali 7, Sergey 2 ta eys zarbasini amalga oshirgan. Qo'shxatolar tennischimizda ko'proq bo'ldi - 5 ga 3. Turnirda sakkizinchi raqam ostida saralangan Fominning 1/8 finaldagi raqibi bugun aniq bo'ladi.