Fomin Xitoyda sensaciya ko'rsatib, finalga yo'l oldi!

Musobaqada to'rtinchi raqam ostida saralangan Fomin tongda Xitoy vakili, turnirning birinchi raqamli tennischisi Sun Fajingga qarshi kortga chiqdi. Yarim final bosqichidagi mazkur bellashuv 2 soatu 16 daqiqa davom etdi. Yakunda Fomin sensaciya qayd etgan holda 2:1 (6/3, 2/6, 6/4) hisobida zafar quchdi.

Taqqoslash uchun, bugungi o'yin oldidan Fomin ATP reytingida 462, Sun Fajing esa 251-o'rinni egallab turgandi.

Endi 24 yashar hamyurtimiz turnir g'olibligi uchun neytral maqomdagi raketka ustasi Nikolay Galakka qarshi bahs olib boradi. Sergeyning dunyo reytingida 863-o'rinda borayotgan Galakka qarshi o'yini ertaga soat 7:00 da boshlanishi belgilangan.