FOTO. Murodjon Ahmadaliev AQSHga jo'nab ketdi, chempionlik jangi yaqin!

Ahmadaliev Toshkent - Moskva aviareysi orqali Nyu-Yorkka uchadi. U shu kungacha 5 ta jang o'tkazib, ularning barchasida g'alabaga erishgan. Nokaut evaziga qo'lga kiritilgan g'alabalari soni 4 ta. Hozirda WBA Intercontinental chempionlik kamari egasi bo'lib turibdi. 

Kecha matbuotda charm qo'lqop ustamizning keyingi jangini amaldagi WBA yo'nalishi chempioni amerikalik Daniel Romanga qarshi o'tkazishi haqida xabarlar paydo bo'lgandi. Bu malumotni hamyurtimiz mijoz bo'lgan Rossiyaning “Mir boksa” promouterlik kompaniyasi menejeri Vadim Kornilov ham tasdiqlagandi. 

Ahmadjonov va Romanning promouterlari yaqin 24 soat ichida jang o'tkazish va uning shartlari bo'yicha kelishib olishlari lozim. Aks holda boshqa promouterlar o'rtasida ochiq savdo o'tkaziladi. 

Malumot uchun, Roman prof boksdagi faoliyati davomida jami 29ta jang o'tkazgan. Janglarning 26tasida g'alabaga erishgan. Ikki jangda durang natija qayd etilgan. Faqat bir marotaba mag'lubiyat alamini totib ko'rgan.