09 may 20:12
Yangiliklar

Og'ir atletika

FOTO Tursunoy Jabborova mutlaq jahon chempioni!

Greciyaning Iraklion shahrida bo'lib o'tayotgan og'ir atletika bo'yicha jahon chempionati biz uchun muvaffaqiyatli davom etmoqda.

Biroz avval ayollar o'rtasida -87 kggacha bo'lgan vaznda bahslar yakunlandi. Ushbu vazn toifasida yurtimiz sharafini himoya qilgan Tursunoy Jabborova mutlaq jahon chempioniga aylandi.

Atletimiz dast ko'tarishda 109 kg toshni o'ziga bo'ysundirgan bo'lsa, siltab ko'tarishda 129 kg natija ko'rsatdi va har ikki yo'nalishda oltin medalni qo'lga kiritdi. SHuningdek, Jabborova ikki kurash natijasiga ko'ra ham tengsiz bo'ldi.

Greciya. Yoshlar o'rtasida jahon chempionati. Ayollar -87 kg

1. Tursunoy Jabborova (O'zbekiston) - 238 (109+129) kg

2. Entenze Reyes (Kuba) - 226 (99+127) kg

3. Elizabet Ouens (AQSH) - 222 (99+123) kg