28 may 15:34
Yangiliklar

Tennis

French Open. Elina Svitolina Plishkovadan ustun keldi

Dunyoning 19-raketkasi Elina Svitolina "Rolan Garros" turniridagi ishtirokini g'alaba bilan boshlab oldi.

Ukrainalik tennis malikasi 2 daqiqasi kam 2 soat davom etgan bahsda WTA reytingida 52-pog'onada borayotgan chexiyalik Karolina Plishkova ustidan irodali g'alabaga erishdi - 3/6, 6/4, 6/2. Elina bu bilan tennischilarning o'zaro uchrashuvlaridagi hisob muvozanatini ham tiklab qo'ydi - 5:5.

Ikkala tennischi ham bahs davomida 3 tadan eys zarbasini amalga oshirgan. Qo'shxatolar Plishkovada ko'proq bo'ldi - 5 ga 2. Svitolina breyklar bo'yicha ustunlikka erishdi - 7 ga 5! Endi Elina Franciya Ochiq chempionatining ikkinchi bosqichida franciyalik Diana Parriga qarshi kortga chiqadi. Mezbon tennischi ilk davrada vatandoshi Fiona Ferroni 3/6, 6/3, 6/3 hisobida taslim etdi.