Fyuri Britaniya antidoping agentligini bankrotga uchratishi mumkin

Gap shundaki, ushbu tashkilot Fyurining antidoping qoidalarini buzganlikda ayblab, bokschiga nisbatan ish ochgan edi. 2015 yili Taysondan olingan doping-tahlil britaniyalikning qon tarkibida taqiqlangan steroid izlari borligini ko'rsatgandi.

Fyuri va uning jamoasi taqiqalangan bu modda bokschining organizmiga taom orqali tushganligini aytgandi. Bu ish yuzasidan surishtiruv dekabr oyining boshlarida o'tkaziladi.

Agar Tayson bu ishda haq bo'lib chiqsa, agentlik 5 million funt sterling miqdorida tovon puli to'lashi kerak bo'ladi. Agentlikning bir yillik byudjeti esa 8 million funt sterling atrofida ekanligi aytilmoqda.