Fyuri Usik bilan jangning ehtimoliy manzilini aytdi

Og'ir vaznda WBC yo'nalishi bo'yicha jahon chempioni, britaniyalik Tayson Fyuri WBA Surer, IBF va WBO chempioni, ukrainalik Aleksandr Usik bilan ehtimoliy jang haqidagi fikrlari bilan o'rtoqlashdi.

"Agar Usik va uning jamoasi chindan ham jang qilishni istasa, men esa CHisora bilan jangda g'alaba qozonsam, ushbu jangni o'tkazamiz. Hozircha men boshqa variantlarni ko'rib chiqmayapman, bu haqda gapirishga hali erta. Agar Usik bilan jang tashkillashtirilsa, uning Saudiya Arabistonida bo'lib o'tishi ehtimoli yuqori", - dedi Fyuri.

Eslatib o'tamiz, so'nggi jangida Usik Entoni Joshuani, Fyuri hamyurti Dillian Uaytni mag'lub etgandi.