Gandbol. Respublika final bosqichining navbatdagi musobaqasi chempionlari malum bo'ldi

Ikki kun davomida keskin kurashlar ostida kechgan musobaqada toshkentlik o'rta-maxsus talim tizimi o'quvchi-qizlari chempionlikni tantana qilishdi. Ular samarqandlik tengdoshlariga qarshi bellashuvda durangga rozi bo'lishgan bo'lsada, qolgan ikkita bahsni g'alaba bilan yakunlashdi.

Musobaqaning 2-o'rini ko'hna shahar vakillariga nasib etdi. Samarqand terma jamoasi qizlari Andijon viloyati terma jamoasini mag'lub etib, navoiylik va poytaxtlik tengdoshlari bilan kechgan bahslarda murosa yo'lini tanlashdi.

Andijon viloyati terma jamoasi qizlari ushbu musobaqada 1 bor g'alaba qozinib, 2 marta imkoniyatni boy bergan holda 3-o'rindan joy olishdi.

Navoiy viloyati terma jamoasi qizlariga esa ushbu final bosqichida g'alaba qozonish nasib etmadi va 4-o'rin bilan ortga qaytadigan bo'ldi.