Gassiev ikkinchi finalchi, u raqibini so'nggi soniyalarda nokaut qildi

Rossiyaning Sochi shahrida o'tkazilgan chempionlik jangida rossiyalik Murat Gassiev kubalik Yunier Dortikosga qarshi ringga ko'tarildi. Jang g'olibini finalda ukrainalik Aleksandr Usik kutib turgandi. U Riga shahrida o'tgan ilk yarim final jangida lavtiyalik Mayris Briedisni mag'lub etgandi. 

O'n ikki raundga belgilangan jangning so'nggi soniyalari o'tib borayotgan bir paytda birinchi og'ir vaznda IBF chempioni bo'lgan Gassiev raqibini ikki bor nokdaun holatiga tushirib qo'ydi. Gong yangrashi oldidan referi WBA chempioni Dortikos jangni davom ettira olmasligini malum qildi.

SHu tariqa, Murad Gassiev bir yo'la ikkita jahon chempionlik kamari sohibiga aylanish barobarida Superseriyaning finaliga yo'llanmani qo'lga kiritdi. Final jangi may oyida Saudiya Arabistonining Jidda shahrida bo'lib o'tadi.