Genesis Traiding Cup. Sergey Fomin dramatik uchrashuv o'tkazdi

Mukofot jamg'armasi 54 000 evroni tashkil etuvchi musobaqaning saralash bahslarida hamyurtimiz Sergey Fominning ham ishtirok etishi haqida xabar bergan edik. Mamlakatimizning ikkinchi raketkasi Genesis Traiding Cup turnirining saralash bosqich 1/2 finalida hindistonlik Prajval Dev 6/4, 6/4 hisobida mag'lub etgandi.

Afsuski, saralashda ettinchi raqam ostida harakat qilgan tennischimiz asosiy to'r yo'llanmasi uchun kechgan bahsda Viktor Markovga uch set natijasiga ko'ra imkoniyatni boy berib qo'ydi. Bolgariyalik 20 yoshli tennischi kecha saralashning 1/2 finalida uchinchi raqam ostida tasniflangan hamyurti Petr Nesterovni 6/1, 6/3 hisobida engib, shov-shuv sababchisiga aylangandi.

Ikki soatu 30 daqiqa davom etgan bugungi uchrashuvda u sensacion yurishini davom ettirdi - 6/4, 2/6, 7/5. Fomin uchinchi setda uch bor matchboldan chiqib ketishga muvaffaq bo'ldi, ammo o'zining geymida yutqazib, musobaqaning asosiy to'g'riga yo'l ola bilmadi. Bahs davomida Markov 11, Fomin esa 7 ta eys zarbasini amalga oshirgan. Qo'shxatolar ikkala tennischida ham etarli bo'ldi - 10 ga 8, Viktor "foydasiga" 

Taqqoslash uchun, Sergey Fomin ATP reytingida 478, Markov esa 1689-o'rinni band etgan. Saralash bahslariga imtiyozli yo'llanma asosida qo'yilgan Viktor Markov endi asosiy turnirda bosh sovrin uchun kurashni davom ettiradi.