G'olibi 6 mln dollarni qo'lga kiritgan Six Kings Slam turniri yakunlandi

Dunyoning olti nafar tennis qirollari ishtirok etgan Six Kings Slam musobaqasida bosh sovrin Yannik Sinnerga nasib etdi. Sayyoramizning birinchi raketkasi hal qiluvchi final bahsida dunyoning ikkinchi raqamli tennischisi, ispaniyalik Karlos Alkarazni uch set natijasiga ko'ra mag'lubiyatga uchratdi - 6/7(5), 6/3, 6/3.

Ikki soatu 21 daqiqa davom etgan bahsda Sinner 5, Alkaraz 2 ta eys zarbasini amalga oshirgan. Breyklar bo'yicha ham ustunlik xuddi shu hisob ko'rinishida italiyalik foydasiga hal bo'ldi. Sinner qo'shxatoga yo'l qo'ymadi. Karlosda ikkita qo'shxato kuzatildi. 

SHu tariqa, Yannik Sinner musobaqa bosh sovrini bilan birga 6 million AQSH dollari miqdoridagi mukofot pulini ham qo'lga kiritdi. Alkaraz esa Six Kings Slam turnirining qolgan ishtirokchilari kabi 1,5 mln dollarga ega bo'ldi.