13 may 14:54
Yangiliklar

Tennis

Grigor Dimitrov Rim "Masters" 1/8 finaliga yo'l oldi

Italiya poytaxti Rim shahrida o'tkazilayotgan "Masters" seriyasiga kiruvchi turnir o'zining qizg'in pallasiga kirib bormoqda.

Dunyoning 10-raketkasi Grigor Dimitrov musobaqaning 1/8 final ishtirokchisiga aylandi. Bolgariyalik tajribali tennischi uchinchi bosqichda ATP reytingida 137-pog'onadan joy olgan franciyalik Terens Atmandan ustun keldi - 7/6(3), 6/3.

Tennischilarning o'zaro ilk uchrashuvi 103 daqiqa davom etgan. Dimitrov 5, Atman 6 ta eys zarbasini ijro etgan. Ikkala tennischi ham bir xilda 5 tadan qo'shxatoga yo'l qo'ygan. Breyklar Grigorda bittaga ko'proq bo'ldi - 2 ga 1!