22 may 15:34
Yangiliklar

Futbol

Gvardiola 5-marta yil murabbiyi bo'ldi, u faqat Fergyusondan orqada

Teglar : Xosep Gvardiola Ser Aleks Fergyuson

Angliya Premer ligasida Xosep Gvardiola 2023/2024 yilgi mavsumning eng yaxshi murabbiyi deb topildi.

"Manchester Siti" bosh murabbiyi ushbu sovrinni beshinchi marta qo'lga kiritmoqda. Pep bundan oldingi 5 ta chempion bo'lgan mavsumidan to'rttasida yil murabbiyi bo'lgandi. Bular: 2017/2018, 2018/2019, 2020/2021 va 2022/2023 yilgi mavsumlar.

Bu borada Gvardioladan oldinda faqat Ser Aleks Fergyuson bor. "Manchester Yunayted" sobiq ustozi APLda 11 marta mavsumning eng yaxshi murabbiyi deb topilgan.

Angliya Premer ligasida eng ko'p bor yilning eng yaxshi murabbiyi bo'lgan mutaxassislar:

1. Ser Aleks Fergyuson - 11 marta

2. Xosep Gvardiola - 5

3. Joze Mourinyu - 3

4. Arsen Venger - 3

5. Yurgen Klopp - 2 marta.