Harbiylar o'rtasida tosh ko'tarish va bahodirlar o'yini bo'yicha musobaqa o'tkazildi

Qurolli kuchlar akademiyasi sport maydonlarida tosh ko'tarish va bahodirlar o'yinlari bo'yicha harbiy sportchilar o'rtasida yirik musobaqa tashkil etildi.

100 nafardan ziyod sportchilar o'rtasida qizg'in bahslarga boy bo'lgan tosh ko'tarish musobaqalarida -65 kg vaznda Rustam Jo'raev g'oliblikni qo'lga kiritgan bo'lsa, -70 kg vaznda Dilbek Abdullaev, -75 kg vaznda Azamat Usanov, -80 kg vaznda Mirzohid Ergashev, -90 kg vaznda Jumanazar Abdiev, +90 kg vaznda Doston Yo'ldoshevlar tengsiz ekanligini isbotladilar.

Bahodirlar o'yini musobaqalarida yoshlar o'rtasida Islom Hakimjonov 1-o'rinni qo'lga kiritdi. Kattalar o'rtasidagi bahsda Bahodir Yo'lchiev g'alaba qozondi.

Malumot uchun, O'zbekiston Respublikasi Prezidentining 2019 yil 13 dekabrdagi “O'zbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kuniga tayyorgarlik ko'rish va o'tkazish chora-tadbirlari to'g'risida”gi farmoyishida belgilangan vazifalar ijrosini taminlash bo'yicha O'zbekiston Respublikasi Vazirlar Mahkamasida 2019 yil 28 dekabrda o'tkazilgan videoselektor yig'ilishida belgilangan topshiriqlar ijrosi bo'yicha Jismoniy tarbiya va sport vazirligining 2019 yil 31 dekabrdagi 2282-sonli buyrug'i ijrosini taminlash maqsadida vazirlik tomonidan yana bir qancha sport musobaqalari o'tkazilishi belgilangan.