Hasanboy Do'smatov: “Professional boks, yo'q, men Tokio Olimpiadasida qatnashaman”

Professional boksning o'rta vazn toifasida 3ta yo'nalish chempioni bo'lib turgan qozog'istonlik Gennadiy Golovkin ham ushbu Janubiy Afrika Respublikasining promouterlik kompaniyasi bilan hamkorlik qiladi. Biz vaziyatga oydinlik kiritish maqsadida Hasanboy bilan bog'landik.

- Hasanboy, xorij matbuotida sizning “Golden Gloves” promouterlik kompaniyasi bilan professional shartnoma imzolaganingiz haqida xabarlar paydo bo'ldi. Bu malumot qanchalik haqiqatga yaqin?

- Ochig'i, bu haqida endi sizdan eshitdim. Men na “Golden Gloves” va na boshqa promouterlik kompaniyalari bilan shartnoma imzolaganim yo'q. Bu noto'g'ri va hech qanday asosga ega bo'lmagan malumot. 

- Afsonaviy Floyd Meyvezerning Rioda ekanligidan va istedodli bokschilar bilan shartnoma imzolashga urinayotgani haqidagi aniq malumotlar bor. Balki, sizga ham taklif bilan chiqishgandir?

- Yo'q, hech qanday taklif bo'lgani yo'q. Bo'lgan taqdirda ham, ularga beradigan javobim tayin.

- Endigi rejalar qanday?

- Men to'rt yildan so'ng Tokida bo'lib o'tadigan navbatdagi Olimpiadada ham ishtirok etishni maqsad qilganman. Osiyo qitasida o'tkaziladigan to'rt yillikning eng nufuzli musobaqasida Olimpiada oltin medalini himoya qilaman. Hozir oldimda turgan eng katta orzuim shu. Aslida, Olimpiada chempioni bo'ldim va bu bilan xalqimizning, ota-onamning orzusini ro'yobga chiqardim.

Suratlar muallifi - Anvar Ilyasov