04 apr 17:10
Yangiliklar

Tennis

Humoyun Cultonov SHarm El-SHeyx turnirining 1/4 finaliga yo'l oldi

Xabar berganimizdek, Misrning SHarm El-SHeyx shahrida tennis bo'yicha M25 toifasiga kiruvchi turnir bo'lib o'tmoqda.

Mukofot jamg'armasi 25 000 AQSH dollarini tashkil etuvchi ushbu musobaqada Humoyun Sultonov ham o'z imkoniyatini sinovdan o'tkazyapti. Mamlakatimizning birinchi raketkasi ilk davrada misrlik Amr Elsayidni 1/6, 6/4, 6/3 hisoblarida mag'lub etgandi.

Biroz avval turnirda ikkinchi raqam ostida harakat qilayotgan hamyurtimiz 1/8 finalda gruziyalik Saba Purtseladzega qarshi kortga chiqib, raqibidan 6/1, 7/5 hisobida ustun keldi. Sultonovning 1/4 finaldagi raqibi polshalik Kamil Mayxshak bo'ladi. Turnirda beshinchi raqam ostida harakat qilayotgan Mayxshak 1/8 finalda ukrainalik Yuriy Javakyanni 6/1, 6/2 hisobida engdi.

Taqqoslash uchun, Sultonov ATP reytingida 315, Elsayid 747, Purtseladze 474, Mayxshak 405-pog'onadan joy olgan.