22 iyu 11:17
Yangiliklar

Tennis

Humoyun Sultonov Belgiya turniri 1/2 finalida

Belgiyaning Dyuffel shahrida tennis bo'yicha M25 toifasiga kiruvchi turnir bo'lib o'tmoqda.

Mukofot jamg'armasi 25 000 AQSH dollarini tashkil etuvchi ushbu turnirda Humoyun Sultonov ham muvaffaqiyatli odimlayapti. Hamyurtimiz turnirda ikkinchi raqam ostida tasniflangan bo'lib, uchinchi uchrashuvida ham qiyinchilik bilan g'alabaga erishdi.

Mamlakatimizning birinchi raketkasi 1/4 finalda ATP reytingida 593-pog'onada borayotgan Bayli Jillesni 6/3, 4/6, 6/4 hisoblarida mag'lubiyatga uchratdi. Dunyoning 331-raketkasi bo'lib turgan Sultonovning 1/2 finaldagi raqibi finlyandiyalik Yero Vasa bo'ladi. Vasa ATP reytingida 804-pog'onadan joy olgan. Ushbu uchrashuv bizning vaqt bilan soat 17:00da boshlanadi.