23 iyu 09:28
Yangiliklar

Tennis

Humoyun Sultonov Belgiya turniri bosh sovrini uchun kortga chiqadi

Belgiyaning Dyuffel shahrida o'tkazilayotgan tennis bo'yicha M25 toifasiga kiruvchi turnir o'z yakuni sari yaqinlashmoqda.

Mukofot jamg'armasi 25 000 AQSH dollarini tashkil etuvchi ushbu turnirda Humoyun Sultonov ham muvaffaqiyatli odimlayapti. Turnirda ikkinchi raqam ostida tasniflangan hamyurtimiz final yo'llanmasini qo'lga kiritdi.

Mamlakatimizning birinchi raketkasi 1/2 finalda ATP reytingida 804-pog'onada borayotgan finlyandiyalik Yero Vasani 6/3, 6/3 hisobida mag'lubiyatga uchratdi.

Dunyoning 331-raketkasi bo'lib turgan Sultonovning finaldagi raqibi avstriyalik Sandro Kopp bo'ladi. Kopp reytingda Humoyundan 8 pog'ona pastroqda bormoqda. Final uchrashuvi bizning vaqt bilan soat 18:00da boshlanadi.