Humoyun Sultonov Bryussel turniri 1/2 finalida

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham muvaffaqiyatli odimlayapti. Mamlakatimizning birinchi raketkasi musobaqaning yarim final ishtirokchisiga aylandi.  

Bryussel turnirida uchinchi raqam ostida tasniflangan Sultonov 1/4 finalda norvegiyalik Viktor Durasovichni 6/4, 2/6, 6/3 hisobida taslim etdi. Skandinaviyalik tennischi ATP reytingida 508-pog'onadan joy olgan. Humoyun esa 330-o'rinni egallab turibdi. 

Bugun Humoyun final chiptasi uchun Ergi Kirkinga qarshi kortga chiqadi. Turkiyalik tennischi turnirda birinchi raqam ostida saralangan bo'lib, dunyoning 254-raketkasi bo'lib turibdi. Bu tennischilar uchun o'zaro ikkinchi uchrashuv bo'ladi. SHu yil yanvar oyida Qatardagi turnirning finalida Kirkin Sultonovni engib (3/6, 6/1, 7/5), bosh sovrin sohibiga aylangandi.