Humoyun Sultonov Bryussel turniri vice-chempioni

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham ishtirok etdi. Mamlakatimizning birinchi raketkasi musobaqaning hal qiluvchi finaliga qadar mag'lubiyatsiz etib borib, yakunda vice-chempionga aylandi.  

Bryussel turnirida uchinchi raqam ostida tasniflangan Sultonov bosh sovrin uchun kechgan bahsda niderlandiyadik Maks Xuksga 7/5, 1/6, 1/6 hisoblarida imkoniyatni boy berib qo'ydi. Xuks turnirda to'rtinchi raqam ostida saralangan bo'lib, bir kunning o'zida ham 1/2 final, ham final uchrashuvini o'tkazdi. Humoyun raqibidagi charchoq holatidan ham foydalana olmadi. 

Taqqoslash uchun, Xuks ATP reytingida 420, Sultonov esa 330-pog'onadan joy olgan.