28 iyu 11:11
Yangiliklar

Tennis

Humoyun Sultonov Bryussel turnirida 1/4 finalga chiqdi

Belgiyaning Bryussel shahrida tennis bo'yicha M25 toifasiga kiruvchi tennis turniri bo'lib o'tmoqda.

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham muvaffaqiyatli odimlayapti. Mamlakatimizning birinchi raketkasi ilk davrada belgiyalik Kilian Kollignonni 6/3, 6/2 hisobida taslim etgandi.

Humoyun 1/8 finalda yana bir mezbon tennischi Xarold Xuensga qarshi kortga chiqdi va reytingning 1915-pog'onasida borayotgan raqibini ortiqcha qiyinchiliksiz mag'lubiyatga uchratdi - 6/1, 6/1.

Bryussel turnirida uchinchi raqam ostida tasniflangan Sultonov bugun 1/4 finalda norvegiyalik Viktor Durasovichga qarshi bahs olib boradi. Skandinaviyalik tennischi ATP reytingida 508-pog'onadan joy olgan. Humoyun esa 330-o'rinni egallab turibdi.