28 okt 10:44
Yangiliklar

Tennis

Humoyun Sultonov Estoniyada bosh sovrin uchun kurashyapti

Estoniyaning Pyarnu shahrida tennis bo'yicha ITF M15 Parnu 2 turniri bo'lib o'tmoqda.

Musobaqada Humoyun Sultonov ham ishtirok etyapti. Mamlakatimizning uchinchi raketkasi kecha nimchorak final uchrashuvida mezbonlar vakili Kenett Raismani 6/3, 7/6(2) hisobida mag'lubiyatga uchratdi.

Taqqoslash uchun, Humoyun ATP reytingida roppa-rosa 500, Raisma esa 1476-o'rinni egallab turibdi. Bugun Sultonov 1/4 finalda germaniyalik Niklas SHellga qarshi kortga chiqadi. Olmon tennischisi reytingning 785-pog'onasidan joy olgan.