Humoyun Sultonov Germaniya turniri vice-chempioni + FOTO

Mukofot jamg'armasi 25 000 dollarni tashkil etuvchi "M25 Kassel" turnirida hamyurtimiz Humoyun Sultonov ham nisbatan muvaffaqiyatli ishtirok etdi. O'zbekistonning birinchi raketkasi bu safar ham hal qiluvchi finalga qadar mag'lubiyatsiz etib borib, yakunda vice-chempionga ayandi. 

ATP reytingida 309-o'rinni egallab turgan hamyurtimiz turnirda uchinchi raqam ostida tasniflangan edi. Uning finaldagi raqibi belgiyalik Rafael Kollinon esa to'rtinchi raketka bo'lib, dunyo reytinngida 342-pog'onadan joy olgandi. 

Afsuski, Sultonov raqibidan reytingda yuqoriroq turgan bo'lsa-da, bu ustunlikni hisobda aks ettira olmadi. Kollinon 6/1, 6/4 hisobida g'alaba qozonib, musobaqa bosh sovrinini qo'lga kiritdi. Humoyun yakuniga etgan hafta ham vice-chempion bo'ldi. U bundan avvalgi hafta Belgiyadagi turnirda ham finalda yutqazib qo'ygandi.