Humoyun Sultonov Germaniyada muvaffaqiyatli start oldi

Mukofot jamg'armasi 25 000 dollarni tashkil etadigan musobaqada O'zbekistonning birinchi raqamli raketkasi Humoyun Sultonov ham ishtirok etmoqda. Kecha tennischimiz turnir doirasidagi birinchi o'yinini o'tkazdi.

1/16 final bosqichidagi ushbu o'yinda Sultonovga germaniyalik Kay Vehnelt raqiblik qildi. 2 soat-u, 4 daqiqa davom etgan bellashuv 2:0 (7-6, 6-0) hisobida hamyurtimiz foydasiga yakunlandi.

Malumot o'rnida, Sultonov ayni damda ATP reytingida 309-o'rinni egallab turgan bo'lsa, uning raqibi 614-band etgan edi.

Endilikda Humoyun bugun nimchorak finali doirasida kortga chiqadi. Unga bu safar yana bir nemis tennischisi, 1264-o'rinni egallab turgan — Vinsent Marisko raqiblik qiladi. Bahs Toshkent vaqti bilan 16:00 da boshlanadi.