16 avg 07:59
Yangiliklar

Tennis

Humoyun Sultonov Idanya-a-Novada 1/4 finalga chiqdi

Portugaliyaning Kashtela-Branka okrugi Idanya-a-Nova tumanida tennis bo'yicha M25 toifasiga kiruvchi turnir bo'lib o'tmoqda.

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham bosh sovrin uchun kurash olib boryapti. Mamlakatimizning birinchi raketkasi 66 daqiqa davom etgan 1/8 final bosqichida avstraliyalik Etan Kukni 6/1, 6/3 hisobida mag'lubiyatga uchratdi.

Taqqoslash uchun, Sultonov ATP reytingida 284, Kuk 1495-o'rinni egallab turibdi. Turnirda birinchi raqam ostida saralangan Humoyun bugun 1/4 finalda ispaniyalik Mario Gonsales Fernandesga qarshi kortga chiqadi.

Uchrashuv bizning vaqt bilan soat 13:00da boshlanadi. Fernandes turnirda ettinchi raqam ostida tasniflangan bo'lib, ATP reytingining 608-pog'onasidan joy olgan.