Humoyun Sultonov Idanya-a-Novada bosh sovrin uchun kortga chiqadi

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham muvaffaqiyatli odimlayapti. Mamlakatimizning birinchi raketkasi hozirgina yakuniga etgan 1/2 final uchrashuvida g'alaba qozonib, bosh sovrin uchun kurashish huquqini qo'lga kiritdi. 

Turnirda birinchi raqam ostida tasniflangan Sultonov 2 soatu 7 daqiqa davom etgan 1/2 final bahsida musobaqaning to'rtinchi raketkasi, franciyalik Den Eddedni 6/4, 7/6(2) hisobida mag'lubiyatga uchratdi. Bu tennischilarning o'zaro o'tkazgan ilk uchrashuvi bo'ldi. 

Taqqoslash uchun, Sultonov ATP reytingida 284, Edded esa 443-o'rinni egallab turibdi. Ertaga Humoyun Portugaliya turniri chempionligi uchun litvalik Edas Butvilasga qarshi kortga chiqadi. Turnirda uchinchi raqam ostida harakat qilayotgan Edas 1/2 finalda AQSH vakili Karl Polingdan 7/5, 6/3 hisobida ustun keldi. Final uchrashuvi ertaga bizning vaqt bilan soat 14:00da boshlanadi.