18 avg 15:26
Yangiliklar

Tennis

Humoyun Sultonov Idanya-a-Novada chempion bo'ldi

Portugaliyaning Kashtela-Branka okrugi Idanya-a-Nova tumani mezbonligida o'tgan tennis bo'yicha M25 toifasiga kiruvchi turnir yakuniga etdi.

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham muvaffaqiyatli qatnashdi. Mamlakatimizning birinchi raketkasi biroz avval yakuniga etgan final uchrashuvida g'alaba qozonib, bosh sovrin sohibiga aylandi.

Turnirda birinchi raqam ostida tasniflangan Sultonov 101 daqiqa davom etgan hal qiluvchi final bahsida musobaqaning uchinchi raketkasi, litvalik Edas Butvilasni 6/4, 7/5 hisobida mag'lubiyatga uchratdi. Bu tennischilarning o'zaro o'tkazgan ilk uchrashuvi bo'ldi.

Taqqoslash uchun, Humoyun Sultonov ATP reytingida 284, Edas esa 405-o'rinni egallab turibdi.