Humoyun Sultonov Idanya-a-Novada turniri 1/4 finaliga yo'l oldi

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham o'z imkoniyatini sinovdan o'tkazyapti. Mamlakatimizning birinchi raketkasi o'tgan hafta aynan turnirda chempion bo'lgan edi. 

Kecha Sultonov 82 daqiqa davom etgan 1/8 final bahsida portugaliyalik Daniel Batistani ortiqcha qiyinchiliksiz mag'lubiyatga uchratdi - 6/1, 6/2. Bu tennischilarning o'zaro o'tkazgan ilk uchrashuvi edi.  

ATP reytingida 285-o'rinni egallab turgan Humoyun Sultonov bugun 1/4 finalda yana bir mezbonlar vakili Frederiko Silvaga qarshi kortga chiqadi. Hamyurtimiz turnirda ikkinchi raqam ostida tasniflangan. Portugaliyalik tennischi reytingning 480-pog'onasidan joy olgan. Sultonov ishtirokidagi bahs bizning vaqt bilan soat 13:30da boshlanadi.