Humoyun Sultonov italiyalik tennischi oldida ojiz qoldi

Mukofot jamg'armasi 36 900 evrodan iborat ushbu turnirda hamyurtimiz Humoyun Sultonov ham ishtirok etayotgan edi. Mamlakatimizning birinchi raketkasi ilk davrada turnirda birinchi raqam ostida saralangan argentinalik Marko Trungellitini mag'lub etishni uddalagandi. 

Afsuski, 88 daqiqa davom etgan ikkinchi davra bahsida Sultonov italiyalik Lorenco Justinoga deyarli qarshiliksiz yutqazib qo'ydi - 2/6, 2/6. Humoyun 2, Lorenco 3 ta eys zarbasini amalga oshirgan. Bu tennischilarning o'zaro o'tkazgan ilk uchrashuvi edi. 

Taqqoslash uchun, Marko Trungelliti ayni paytda dunyoning 151-raketkasi bo'lib turibdi. Sultonov ATP reytingida 309, Lorenco Justino esa 343-o'rinni band etgan.