Humoyun Sultonov Osiekdagi turnirda 1/4 finalga chiqdi

Mukofot jamg'armasi 15 000 AQSH dollarini tashkil qiluvchi ushbu musobaqada hamyurtimiz Humoyun Sultonov ham ishtirok etyapti. Mamlakatimizning birinchi raketkasi ikki g'alaba evaziga turnirning 1/4 finaliga yo'l oldi. 

Osiek turnirida birinchi raqam ostida tasniflangan hamyurtimiz 1/16 finalda italiyalik Filippo Romanoni 6/3, 5/7, 6/3 hisoblarida mag'lub etdi. Kecha 2 soatu 13 daqiqa davom etgan 1/8 final bahsida esa u germaniyalik Pol Vernerdan ustun keldi - 6/4, 6/3. 

Taqqoslash uchun, Humoyun Sultonov ATP reytingida 328, Romano 1031, Verner esa 992-o'rinni egallab turibdi. Bugun hamyurtimiz 1/2 final chiptasi uchun reytingning 1472-pog'onasidan joy olgan xorvatiyalik Josip Simundzaga qarshi kortga chiqadi.