23 sen 07:53
Yangiliklar

Og'ir atletika

Husinboy Matrasulov jahon chempionatining kumush medali sovrindori!

Ispaniyaning Leon shahrida davom etayotgan og'ir atletika bo'yicha yoshlar o'rtasidagi jahon chempionati o'zining qizg'in pallasiga kirdi.

Musobaqaning kechagi kuni doirasida erkaklar o'rtasida -73 kg vazn toifasida "A" guruh bahslari o'tkazildi.

Biz uchun ahamiyatlisi, ushbu vazn toifasida yurtimiz sharafini himoya qilgan Husinboy Matrasulov dast ko'tarishda 148 kg natija bilan kumush medalga sazovor bo'ldi. Vakilimiz siltab ko'tarishda 167 kg (5-o'rin) va ikkikurash yakuniga ko'ra 315 kg (4-o'rin) natija qayd etdi.

Avvalroq, Nigora Abdullaeva musobaqada bitta kumush va bitta bronza medaliga ega chiqqan edi.