Iga Svyontek Indian-Uells turniri chempioni!

WTA 1000 toifasiga kiruvchi musobaqa bosh sovrini dunyoning birinchi raketkasi Iga Svyontekka nasib etdi. Polshalik tennis malikasi hal qiluvchi final uchrashuvida WTA reytingida 9-o'rinni egallab turgan greciyalik Mariya Sakkarini ortiqcha qiyinchiliksiz mag'lubiyatga uchratdi - 6/4, 6/0.

Bu bilan u tennischilarning o'zaro uchrashuvlaridagi hisob muvozanatini ham tiklab qo'ydi - 3:3. Oltmish to'qqiz daqiqa davom etgan bahsda Svyontek 2, Sakkari 1 ta eys zarbasini amalga oshirgan. Qo'shxato hamda breyklar Igada 2 ga 1 va 5 ga 1 ko'rinishlarida, Igada ko'proq bo'ldi.

Final uchrashuvidagi zafar polshalik tennischining mavsumdagi 20-g'alabasi bo'ldi. Bu Turdagi eng yaxshi natija hisoblanadi. Svyontek faoliyatidagi 19-sovrinini qo'lga kiritdi. WTA 1000 toifasidagi chempionlik titullari soni 8 taga etdi. 

BNP Paribas Open turniridagi muvaffaqiyatli ishtirok Svyontekka 1000 reyting ochkosi hamda 1 mln 100 ming AQSH dollari miqdoridagi mukofot pulini taqdim etdi.