Iga Svyontek US Open 1/4 finalida!

Polshalik tennischi US Open turnirining to'rtinchi davrasida WTA reytingida 16-pog'onada borayotgan rossiyalik Lyudmila Samsonovani 6/4, 6/1 hisobida mag'lubiyatga uchratdi. Tennischilarning o'zaro uchrashuvlaridagi hisob yiriklashdi - 4:0 

To'qson bir daqiqalik uchrashuv statistikasi:

Iga Svyontek - 3 ta eys, 1 ta qo'shxato, 3 ta breyk

Lyudmila Samsonova - 1 ta eys, 3 ta qo'shxato, breyk yo'q

Malumot uchun, Svyontek faoliyatida ikkinchi bor AQSH Ochiq chempionatining 1/4 finalida o'ynaydi. U ilk ishtirokidayoq, yani 2022 yilda musobaqa bosh sovrinini qo'lga kiritgandi. Endi u 1/2 final chiptasi uchun amerikalik Jessika Pegulaga qarshi kortga chiqadi.