IKA Bosh kotibi va Administraciyasi rahbari Punaga etib keldi + FOTO

O'z tarixida 13-marotaba tashkil etilayotgan kattalar o'rtasidagi bu galgi dunyo birinchiligida sayyoramizning 70 ga yaqin davlatidan sara kurashchilar gilamga chiqadi. Ushbu musobaqa doirasida Xalqaro Kurash associaciyasi (IKA)ning navbatdagi Kongressi ham bo'lib o'tadi. 

Har ikki muhim tadbirga tayyorgarlik ishlari bilan tanishish maqsadida Xalqaro Kurash associaciyasi rasmiylari - IKA Bosh kotibi, texnik direktori Muhammad Rizo Nassiriy hamda Xalqaro Kurash associaciyasi Administraciyasi rahbari Mansur Mirzaevlar Puna shahriga etib kelishdi.

Mumbay xalqaro aeroportida ularni Hindiston Kurash associaciyasi vice-prezidenti, texnik rais Rajan Vargas, Bosh kotib Lal Singx va Hindiston kurash associaciyasi masullaridan Dharmendra Malhotralar kutib olishdi.

Muhammad Rizo Nassiriy boshchiligidagi texnik komissiya jahon chempionati o'tkaziluvchi arena, ishtirokchilar uchun ajratilgan mehmonxonalarni ko'zdan kechirishni boshlab yubordi. 

Malumot uchun, O'zbekiston terma jamoasi delegaciyasi ertaga tongda Toshkent - Dubay - Mumbay aviareysi bilan Punaga jo'nab ketadi.