Ikki kundan keyin 17 yoshga to'ladigan Mirra Andreevada irodali g'alaba

Dunyoning 43-raketkasi bo'lib turgan Mirra Andreeva nufuzli musobaqadagi ishtirokini qiyin g'alaba bilan boshladi. Ikki kundan so'ng 17 yoshga to'ladigan rossiyalik iqtidor egasi WTA reytingning 58-pog'onasidan joy olgan amerikalik Teylor Taunsendni uch set natijasiga ko'ra mag'lubiyatga uchratdi - 4/6, 6/1, 7/5.

Bu tennischilarning o'zaro o'tkazgan ilk uchrashuvi edi. Mirra 2 soatu 11 daqiqa davom etgan bahsda 3, Taunsend esa 4 ta eys zarbani amalga oshirgan. Qo'shxatolar Andreevada ko'proq bo'ldi - 3 ga 2. Breyklar bo'yicha ustunlik ham rossiyalik istedod tomonida - 6 ga 4. Hal qiluvchi uchinchi setda Mirra 1/4 hisobida boy berayotganini ham takidlash joiz bo'lsa kerak. Endi u ikkinchi bosqichda chexiyalik Linda Noskovaga qarshi kortga chiqadi.