Ikki qilichbozimiz jahon chempionatidagi ishtirokini davom ettiradi

Bugun bo'lib o'tadigan bellashuvlarda erkaklar o'rtasida shpaga, ayollar o'rtasida rapira qurolida bellashuvlar o'tkaziladi.

Ushbu dasturlarda saralashdan muvaffaqiyatli o'tgan terma jamoamiz vakillari Oleg Sokolov hamda Yana Alborova jahon chempionati medallari uchun kurashni davom ettirishadi. Bugun ular 1/64 final bosqichida quyidagi sportchilarga qarshi jang qilishadi:

Oleg Sokolov – Masaru Yamada (Yaponiya)
Yana Alborova – Kata Kondrish (Vengriya)

Kecha ayollar o'rtasida shpaga qurolida bahs olib borgan Malika Hakimova ushbu bosqichda xitoylik raqibasiga imkoniyatni boy berib qo'ydi. Bugun terma jamoamiz vakillarining yakkalik yo'nalishidagi ishtiroki yakunlanadi.