Iliya Topuriya: "Endi qo'rqmayman!"

"Hozir men ancha motivaciyalanganman, chunki menda endi qo'rquv yo'q! Men endi hisob-kitoblarni to'lashim, kimgadir pul berishim kerakligidan qo'rqmayman. Agar jang qilishni xohlamaganimda, buni amalga oshirmagan bo'lardim. SHunday ekan, men birinchi marta erkin, hech qanday bosimsiz jangga chiqishni chin dildan xohlayapman va bunga yaqinman", - dedi TOpuriya ESPN telekanaliga bergan intervyusida.

Amerikalik Jastin Getjiga qarshi bo'lajak jangda Iliya favorit bo'lib turibdi, uning g'alaba qozonish ehtimoli deyarli 90 foiz deb baholanmoqda. Topuriya bunday bir tomonlama yondashuv unga biroz g'alati tuyulishini tan oldi.

"Bu g'alati. SHunchalik sevimli bo'lishim menga yoqmayapti. Hamma mening g'alaba qozonishimni allaqachon biladi va "Jangda nima bo'ladi?" degan katta kutish yo'q. Endi odamlar uni qanchalik tez nokaut qilishimni taxmin qilishga urinishmoqda - ilgari menda hech qachon bunday bo'lmagan edi", - deya qo'shimcha qildi UFC`ning engil vazn toifasidagi chempioni.

Eslatib o'tamiz, Iliya Topuriya va Jastin Getji o'rtasidagi chempionlik jangi 14 iyun kuni Oq uydagi tashkilotning bayram turnirida bo'lib o'tadi.