Ilk bor para-velosportchilarimiz mamlakat chempionatida kuch sinashishdi

18-21 mart kunlari bo'lib o'tadigan ushbu musobaqaning ahamiyatli jihati unda ilk bor para-velosport bo'yicha O'zbekiston chempionatining o'tkazilayotgani bo'ldi.

Sog'lom sportchilar o'rtasidagi bellashuvda Danil Evdakimov, Yanina Kuskova, Kamron Mirzarahimov kabi etakchilar o'z g'alabalarini yana bir bor tantana qilishdi. Ilk bor tashkil qilingan para-velosport yo'nalishiga yaqinda sportchilik faoliyatini yakunlagan terma jamoamiz vakili Dilmurod Siddiqov bosh murabbiy etib tayinlandi.

Takidlash joiz, bugun imkoniyati cheklangan sportchilar o'rtasida bellashuvlar yakunlandi. Unda ishtirokchilar yurtimizda aholining har bir qatlamiga sport bilan shug'ullanish uchun yaratib berilayotgan sharoitlardan mamnun ekanliklarini takidlab o'tishdi. 

O'z navbatida, yangi tuzilgan ushbu jamoa O'zbekiston Milliy Paralimpiya associaciyasi bilan hamkorlikda Parij-2024 Paralimpiya o'yinlari yo'llanmalari uchun kurash olib borishi ko'zda tutilgan.