Indian-Uells "Masters" turniri juftligida g'oliblar aniqlandi

Hal qiluvchi final uchrashuvida niderlandiyalik Uesli Koolxof va xorvatiyalik Nikola Mektich juftligi ispaniyalik Marsel Granolers hamda argentinalik Orasio Sebalos hamkorligini tay-breklarda 7/6(2), 7/6(4) hisobida mag'lubiyatga uchratdi. 

1 soatu 54 daqiqalik uchrashuv statistikasi:

Koolxof/Mektich - 6 ta eys, 2 ta qo'shxato, breyk 0.

Granolers/Sebalos - 4 ta eys, 1 ta qo'shxato, breyk 0. 

SHu tariqa, Koolxof juftlik faoliyatidagi 19, Mektich esa 28-sovrinini qo'lga kiritdi. CHempionlar 1000 reyting ochkosi va $447,300 dollar mukofot pulini qo'lga kiritishdi. Granolers va Sebalos esa 600 ochko va $236,800 ishlab olishdi