Islam Maxachev: "Men uchun sportni chempion sifatida tark etish muhim"

"Men uchun mag'lubiyatsiz ketish, kamarni boy bermaslik va chempionlik darajasida qolish muhim. Bu qachon sodir bo'lishini bilmayman, chunki kamarga ega bo'lish yoqimli. Formada bo'lish, oktagonda jang qilish, bolalar bilan safarga chiqish menga zavq bag'ishlaydi. Hozir safarda ikki-uch oy dam oldim — bularning hammasi tezda jonga tegadi, faoliyatimni tugatganimdan keyin ham shunday bo'ladi.

Padel o'ynayman... Motocikllar, otlar, ferma — bularning bari qachonlardir jonga tegadi. Butun umr qilgan ishing esa zeriktirmaydi", - dedi Maxachev Red Corner MMA nashriga bergan intervyusida.

Eslatib o'tamiz, Islam Maxachev o'tgan yili avstraliyalik Jek Della Maddalenani mag'lub etib, yarim o'rta vazn toifasidagi kamarni qo'lga kiritgan edi. Bundan avval u engil vazn toifasida UFC chempioni bo'lgandi. 34 yoshli rossiyalikning oktagonga qaytishi avgust oyida kutilmoqda. Uning eng ehtimoliy raqibi irlandiyalik Ian Machado Gerridir.